SASTRA MINAHASA

AYANG KAMPUS



Kalu siang, pegang polpen tinta

Kalu malam, pegang meneer pe polpen!

------------------------------------

BAE-BAE NGONI

Ini malam Alo pigi ke corner
Bagaya sama deng model Taiwan
Mar di popoji ada isi pokos-pokos
Besi putih ta isi di pinggang


Ini malam Ungke pigi ke ha ha
Bapake gaya penyanyi rap negro
Mar ada piyanaung di popoji
Tumbaka ta isi di pinggang


Ini malam Olop pigi mento di kobong
Cuma pake mantel deng tas kaeng
Di popoji cuma ada tabaku sek
AK 47 komang yang di tas kaeng


---------------------------------------------------------------------------------------

BAGIMANA EEH !!?



Ketik A, spasi B, spasi C, spasi D…

Anjing…

Babi…

Cuki…

Dang !!!

----------------------------------------------------------------

BUDAYA SINEMA
AMOR…RRAL



Ada felem Indonesia baru lagi
Kita ada lia de pe extra di TV
Minggu depan somo putar di TO
Mar felem tentang…cintaaa lagi !


Pasti banya bege-bege lei yang bauni
Felem yang nda kalah deng sinetron
Memang bagitu kalu mo iko pasaran
Di pasar kan banya jual ikang


Oh Tolong ! babagini trus jo dang !
Kapan orang Indonesia mo lebe pande
Apalagi tu pranggang deng muda-muda
Tu hati deng ontak masih di bawa puru

---------------------------------------------------------

INDONESIA TOP 40



Beking rawoy, beking ta sono
Pa kita didalang oto mikro


Poot ange, bawa puru ange
Itu-itu jo, manganto no !!


----------------------------------------------------------------------------------

JATI DIRI



Dudu sandiri mangada langit
Sibuk rekeng tu bintang-bintang
Sampe timbul pertanyaan
“Kita ini orang Bumi ?”
“Atau orang Planet ?”


-----------------------------------------------------------------------------------

MANTRA  CINTA



Dua Bola dapa Lapang
Ampa Bola dapa Spuluh
Satu Liter Satu Jam
Dompet Bangka Pande Bodok
Macam-macam Tai Minya
Jago jago dapa Senang
Cundang dapa Tamang

------------------------------------------------------------------------------------------

MINAHASA UNDERCOVER



Tole deng keke badugem di score
So pastiu deng disko tanah ngoni ?


Tole minung tekila, keke minung long aylen
Masih suka cap tikus deng saguer ngoni ?


Tole deng keke minung sampe muntah-muntah
Mo muntah ubi lei dorang ?


Tole deng keke baku ciong gaya perancis
Awas jang tatigo lidah ngoni dua !


----------------------------------------------------------------------------

NASIONALISME



“Konto sama-sama…

  Graakkk !!!”

---------------------------------------------------------------------------------------

NONA-NONA JAMAN SKARANG




Kurang yang besae-besae
Yang mangarti bae itu Cinta

Yang gaga-gaga…..
Cuma tau beking mati itu Cinta

Ta lebe-lebe
Boleh beking saki Jiwa!

-------------------------------------------------------------------------------

ONANI 1



Tu tadi, tu tadi, tu tadi
Tu sana, tu sana, tu sana
Tu tadi, tu sana
Tu sana, tu tadi


Yaaa……..no !!!
Biar jo dang !!!!


--------------------------------------------------------------------

ONANI 2



Sadap nyanda sadap
Barguna nyanda barguna
Senang Susah
Untung Rugi
Puas Tagantong


So parcuma kasiang !
Banya yang kurang senang !


-----------------------------------------------------------------

SMS



“SyG,KmU Lag NgApz ?
Aq KnGen LhO aMa Kmu
Gw Mw KtmU aMa Kmu SyG”



“SyG….D Blz Donk!!!
Plizzz………….
Ini PuLzAku Yg t’Akir LhO!!!”



"Woy,balas kwa kalu ada pulsa !
Somo muntah ubi kita !
Beking malo akang,kita so mangkage !"


-------------------------------------------------------------------------

TAMANG-TAMANG DEKAT



Lala mulu ngoni!!!

Rawoy!!!!!


--------------------------------------------------------------------------


TAMBIO




Cowo, sini kwa !!!

Beli kwa pa kita !!!

Biar lebe gampang deng ada diskon

Ngana musti ada bola ampa

Atau paling rendah bola dua

Nda harga kalu Cuma ngana pe tolor !!!



----------------------------------------------------------------------------------


  VALENTINE



Opa Santo, mana yang betul ?
Banya blum tau ngana pe sejarah
Atau memang pura-pura nintau
Atau so sadar mar gengsi


So banya yang kase tau bae-bae
Mar dorang malas malas mo mangarti
Cuma ambe de pe sadap-sadap
Bunga deng coklat dorang tambah alasan


Hari kasih sayang skarang
So nda beda deng hari Halloween
Banya jadi kaum hedon pe ideologi
Korban propaganda cinta tai minya !