Tataru diatas beton yang babla jalan jadi dua
Dalam pot ta ukir
Ada juga yang tataru di trotoar
Jadi panghias kota
Estetika yang so nda ada etika
Asik ba kase gaga kota deng warna bunga
Mar yang di atas sana
Itu dang yang jadi tampa ba simpang aer
Ta biar kong so jadi bota’
Pas datang bencana
Rame – rame bacirita hutan so gundul
Gundul ngana pe nene moyang
Cuma tenga kota yang ngoni kase gaga
Kong itu disana ngoni kase biar
Abis itu le bicara macam – macam
Supaya kata, salah nyanda dapa kantara
Danau so kurang stenga tiang
Hutan so jadi lahan proyek
Bencana datang
Yang ada cuma baku kase sala
Subscribe to:
Post Comments (Atom)
Comments (0)
Post a Comment